Wednesday 18 September 2013

အလင်းသစ်


http://favim.com/image/248101/


"xxxxx xxxx"

ပင်ပန်းလွန်း၍ မှိတ်ထားသော မျက်လုံးအစုံကဖျတ်ခနဲပွင့်လာသည်။ အသံသွင်းထားသော အမျိုးသမီးကအခုရောက်နေသော မှတ်တိုင်ကို ထက်ခါထပ်ခါကြေငြာနေချင်းဖြစ်သည်။
"ဒါသူနေတဲ့နေရာက မှတ်တိုင်ပဲ"
အကျင့်ပါနေတဲ့မျက်လုံးတွေက ရထားပေါ်တက်လာသူတွေ၊ ဆင်းသွားသူတွေကြားဟိုဟိုဒီဒီ။ ဒါပေမဲ့ သူ့အလုပ်ကအိမ်နှင့်မဝေးလှတာမို့ ဒီလိုအချိန်သူရထားမစီးတတ်မှန်းလဲသိပြီးသား။ နှုတ်ခမ်းထောင့်ကကွေးရုံကွေးခါ မျက်နှာပေါ်မှာအပြုံးမပီတပီ တခုပေါ်လာသည်။
"အင်းလေ မတော်တဆများ ရထားပေါ်သူတတ်လာခဲ့ရင် ငါနောက်တမှတ်တိုင်မှာ ဆင်းသွားမှာပဲဟာ"
ဒီလိုပဲ မာန်နဲ့ပတ်သက်ရင် စုရဲ့ခံစားချက်တွေက အစွန်းနှစ်ဘက်မှာ။

စုနဲ့သူသိတာ သူငယ်ချင်းတယောက်မိတ်ဆက်ပေးလို့ပါ။ တွေ့တွေ့ချင်း မျက်နှာခြင်းဆိုင်မကြည့်ရဲသဖြင့် ခေါင်းငုံ့ထားတုန်းက သတိထားမိတာ သူ့ရဲ့ခြေချောင်းဖြူဖြူတွေ။ အရပ်သိပ်မရှည်သော မာန့်မှာ ရုပ်ရှင်တွေထဲကမင်းသားတွေလို ခြေချောင်းရှည်ရှည်တွေတော့မရှိ။ သေသေချာချာ ပွတ်တိုက်ဆေးကျောထားမှန်းသိသာသော ရှင်းသန့်သည့်ခြေထောက်တစုံကိုတော့ ကတ္တီပါဖိနပ်တစုံနဲ့အတူတွဲမှတ်မိခဲ့သည်။ မထင်မှတ်စွာနဲ့ရင်းနီးသွားတဲ့နောက်ပိုင်း နေ့နံပဲမကိုက်သလား၊ အကျင့်စရိုက်ပဲ ညှိမရအောင်ကွဲသလား မပြောနိုင် စကားများရန်ဖြစ်ကြတာက အကြိမ်ပေါင်းမနဲ။ ရန်ဖြစ်တိုင်း နောက်ဆုံးမှာနာကျင်ရတာ၊ ခဏခဏအဝေးကို ပြေးဖို့ကြိုးစားမိတာလဲစု။ သူစိတ်ပြေသွားချိန်မှာပို့လာတဲ့ စာတကြောင်း၊ ဖုံး ၁ခါခေါ်ရုံနဲ့ စိတ်နာတာတွေ ဝမ်းနည်းရတာတွေပြေတာကလဲ စုပါပဲ။

စုနဲ့မာန့်အကြောင်းကို သိတဲ့သူငယ်ချင်းတယောက်ကတော့ပြောဘူးသည်။ "ဒီကောင်က ဘယ်အချိန်မှာ နင့်ကိုဘယ်လိုပြောရမလဲ၊ နင့်အကြောင်းနောကြေနေအောင် သိပီးသား။ ဒါကြောင့်နင်ပြေးမလွတ်တာ" တဲ့။ ဒီအကြောင်းသူ့ကိုပြန်ပြောတဲ့အခါသူက "အေး ဒီကောင်က နင့်ကိုကြိုက်နေလားမှမသိတာ။ ငါ့ကိုဘယ်အကောင်းပြောပါ့မလဲ" လို့ဘုတောလွှတ်သေးသည်။ မာန်တခါတခါ စိတ်ကြည်လို့ "Honey" လို့စုကိုခေါ်သောအခါ၊ သူ့အပြစ်တွေကို တစက်မှရှင်းမပြနိုင်ပဲ "ငါမှ နင့်ကိုမခေါ်ဘဲ မနေနိုင်တာ"ဟု အော်ဟစ်သောအခါ မာန်ဘာမှထပ်ပြောစရာမလိုအောင် စုစိတ်တွေ အလိုလိုညွတ်နူးသွားမှန်း သူငယ်ချင်းသိရင်တော့ စုကိုနားမလည်စွာနဲ့ လှောင်ရီလိမ့်မည်။

တခါ မာန်နဲ့စု ခလေးဆန်စွာရန်ဖြစ်ကြတာ Facebookက သူနဲ့သူ့ကောင်မလေးရဲ့ဓာတ်ပုံတွေကို Like လုပ်မိခြင်းမှစသည်။။ (မာန်က ဘယ်ကောင်မလေးကိုမှ စုရှေ့မှာသူ့ကောင်မလေးလို့ ဝင်မခံ။ ဘယ်အချိန် ဘယ်အခါ ဘယ်လိုသက်သေတွေနဲ့မေးမေး မဟုတ်ဘူးပဲဖြေသည်။ သူ့ကောင်မလေးတွေကလဲ ပြောပဲမရတာလား၊ သဝန်ပဲမတိုတတ်သလား၊ သူပဲဘာပြောထားသလဲ မသိ။စုနဲ့ ၂ယောက်ထဲ ထမင်းစား ကော်ဖီသောက်ထွက်ခြင်းကို ဘယ်တော့မှမတား) ဓာတ်ပုံတွေကြည့်လို့မှ မပြီးသေးခင် စုဖုံးလေးတဖြတ်ဖြတ်နဲ့ လင်းလာသည်။ သေချာတယ် အဲဒါမာန်ပါပဲ။ ပုံတွေကလှပြီး အသက်ဝင်လို့ ငါ Like လုပ်မိတာလို့ မရေမရာ ဆင်ခြေပေးတော့ "အပိုတွေလာမပြောနဲ့စု။ နင်ဘာကိုဘာအချိုးနဲ့လုပ်သလဲဆိုတာ ငါသိပြီးသား။ ငါ့အကြောင်းတွေ နင်သိပါတယ်ဆိုတဲ့ စတိုင်မျိုးနဲ့ လာလုပ်နေတာ။ နောက်ဒါမျိုးထပ်မလုပ်နဲ့" ပြောပြီး အရင်ဖုံးချပြစ်ခဲ့သည်။

မာန်အပေါ် အစစအရာရာ မသိချင်ယောင်ဆောင်ပြီး အရှုံးပေးနေသော်လဲ စုက ခပ်ထုံထုံ၊ခပ်တုံးတုံးမိန်းမတော့ မဟုတ်။ ကျောင်းတက်စဉ်ကရော၊ အလုပ်ခွင်မှာပါ ဆရာ၊ဆရာမတွေနှင့် လုပ်ဖော်ကိုင်ဖက်များကပါ ထူးချွန်ထက်မြက်သူဟုသက်မှတ်ခံရသူ။ မာန်နဲ့ကြမှ ဆုံးဖြတ်ချက်တွေမခိုင်မာပဲ ပျော့ညံ့နေခဲ့တာ အချစ် သို့ ဝဋ်တမျိုးပင်ဖြစ်မည်။ ဒါမှမဟုတ်ရင်တော့ ယုံကြည်ချက်တခုကြောင့် ဖြစ်နိုင်ပါသည်။ ဟုတ်သည်။ စုသည် အနာဂါတ်တချိန်ချိန်တွင် မာန်နှင့်စုအတူမခွဲမခွါရှိကြလိမ့်မည်ဟု ယုံကြည်သည်။ မာန်သည်လဲ စုနှင့်တူတူ ထပ်တူထပ်မျှပင်ဖြစ်လိမ့်မည်။ ထိုအတွက် မာန်သည် စုကိုဘယ်တော့မှပစ်ပစ်ခါခါ လုပ်လိမ့်မည်မဟုတ်။ မာန်အကြောင်းကို စုအချိန်ပြည့်နီးပါးတွေးနေသလို မာန်လဲစုကို သတိရနေလိမ့်မည်။

မထင်မှတ်စွာပဲ မာန်၏စိတ်ထဲတွင် စုလုံးဝရှိမနေကြောင်းသိလိုက်ရသောအခါ တစစ်စစ်နာနေသောရင်ကိုဖိ၍ သည်းသည်းထန်ထန်ငိုမိသည်။ တခါမှမပြောဘူးသော စကားလုံးအကြမ်းများနှင့် ဖုံးပေါက်ကွဲမတတ် အော်ဟစ်ပြစ်ခဲ့သည်။ မာန်၏ စကားလုံးများသည် ငါနှင့်စ၍ ငါနှင့်ဆုံးသည်ကို စုရင်နာလှသည်။ စုက သူ့ကိုလိုက်ပတ်သက်ပါသည်ဟု စွပ်စွဲသောအခါ၊ စုအပေါ်တွင် သူလုပ်ပေးဖူးသောအကြောင်းအရာများကို ပြန်ပြောသောအခါ မာန်မမြင်ရမှန်းသိပါရက်နှင့် ခေါင်းကို တွင်တွင်ခါရမ်းပစ်မိသည်။ "စုကရော မာန်ကိုဘာတွေလုပ်ပေးခဲ့တယ် မာန်လိုအပ်တဲ့အချိန်တိုင်း ဘယ်လိုဘေးနားမှာရှိပေးခဲ့တယ်ဆိုတာတွေပြန်ပြောရအုံးမလား" လို့မေးတော့ မာန်ခေါင်းမာစွာနဲ့ နှုတ်ပိတ်နေလေသည်။

"ငါရှင်းစရာရှိတာတွေ အကုန်ရှင်းပြီးပြီ။ နင် ငါ့ကိုထပ်ပြီးအာရုံတွေလာမစားပါနဲ့တော့" လို့ နဖူးပေါ်တွင်ဝဲကြနေသော ဆံပင်ပျော့ပျော့တွေကို သပ်တင်ပြီး မာန်ပြောသောအခါ စုသူ့အမူအရာတွေကို မျက်နှာလွှဲတတ်ခဲ့ပြီ။ စုဘဝထဲကနေလည်း အပြီးအပိုင်ထွက်သွားပါတော့ လို့မျက်နှာကိုမှ မကြည့်ဘဲ ပြောဖြစ်ခဲ့သည်။ မာန်သည် စုကိုချစ်သော၊ စုအပေါ်ကြင်နာသော၊ စုအပေါ်တွင် အကိုတယောက်ပမာကာကွယ်ပေးတတ်သော၊ အစစအရာရာ နားလည်ပေးတတ်သော စုသိပ်ချစ်ရသည့်မာန်မဟုတ်တော့။ သေသေချာချာပြန်တွေးကြည့်တော့ မာန်ပြောင်းလဲတာတွေ တရေးရေးပြန်မြင်သည်။ စုကသာ စုကိုယ်ပိုင်စိတ်ကူးထဲကနေ အပြောင်းအလဲတွေကိုမြင်အောင် မကြည့်တတ်ခဲ့ ခြင်းဖြစ်သည်။ အိမ်မက်မက်နေသူကို ရေခဲရေနှင့် မျက်နှာကိုပက်ပြီးနှိုးခံရသူလို စပ်ဖြင်းဖြင်းနှင့် လက်ရှိအခြေအနေကို အိတ်ချင်မူးတူးနှင့် စုပြန်ရောက် ခဲ့ပြီ။ လက်ရှိတွင် မာန်သည် စုသိသော ချစ်စရာကောင်လေးမဟုတ်တော့။ စုကတော့စုပင်ဖြစ်သည်။

မာန့်ကို စုရင်ထဲတွင် မေ့ဖျောက်၍ရချင်မှရမည်။ ဒါပေမဲ့ မာန်သည် စု၏အတိတ်ဖြစ်သည်။ ထို့ကြောင့် ထက်မြက်လိမ္မာသောစု၏ အနာဂတ်၊ စု၏ပျော်ရွှင်မှုသည် စုနှင့်သာဆိုင်လေတော့သည်။

1 comment:

  1. ဘယ်လောက်ပဲ ချစ်မြတ်နိုးသည် ဖြစ်စေ.. တဖက်သားက ကိုယ့်အပေါ် ဥပေက္ခာပြုတာ များလာတဲ့ အခါ နှလုံးသားက နာကျင်စွာနဲ့ပဲ ဦးနှောက်ရဲ့ စီမံမှုကို နာခံလိုက်ရ တော့တယ်-လို့ ဟောဒီစာစုလေး ဖတ်ပြီး တွေးနေမိတယ် ညီမရေ...။

    ReplyDelete